Македонската ракометна репрезентација ја запиша втората победа на Светското првенство, откако во вториот меч од главната рунда славеше против Катар сo 39-34 и се најде во битката зa пласман од 13 до 16 место, но за таму има уште математики.
Добро е познато дека на клупата на Катар е Веселин Вујовиќ, поранешниот селектор на Македонија. Тој и пред дуелот најави дека македонската репрезентација има добар тим и игра добар ракомет.
„Честитики до Македонија и Лазаров. Тие беа подобар тим од Катар, ова Светско првенство е многу тешко за мојот стар тим. После два меча, на кои примивме околу 80 гола, се обидувавме за време на мечот да смениме одбраната и нападот, но немавме шанса. Овој меч е завршен, со среќа на Македонците против Франција за нив ќе биде вистински тест“, изјави Веселин Вујовиќ.
