Македонската ракометна репрезентација одигра уште еден добар меч, за првпат во една главна рунда нашата земја има освоено три бода, и тоа го стори со новата генерација, која се чини допрва има што да му покаже на светот.
Капитенот на нашиот најдобар национален тим не може да биде погорд, оваа средба ја заврши со шест погодоци.
„Кажав и пред натпреварот со Катар дека одиме на победа. Верував во сите, ова е награда за сите наши натпревари што се боревме и што немавме среќа во последните минути да славиме. Сите бевме пожртвувани максимално, горд сум на момците, се наоѓам под емоции и многу сум радосен за оваа победа. Зад нас оставаме едно добро првенство, покажавме како треба да играме за Македонија и продолжуваме напред. Одигравме како тим, изгинавме сите за еден и покажавме единство. Оваа победа ја посветуваме за сите Македонци, за сите оние кои не поддржуваат, за нас…“, рече капитенот, Филип Кузмановски.
