Владо Недановски во иднина ќе има нова функција во РК Вардар. Според клупската информација, тој ќе биде задолжен за функционирање на сите младински категории на клубот. Поранешниот играч на „црвено-црните“ кој со екипата освои и две европски шампионски титули во Келн и претходните неколку сезони беше и прв тренер, сега ќе биде на место каде ќе има целосна посветеност во работата со младите играчи.
Вардар веќе има одлична пионерска екипа на ракометари родени 2010 и помлади која есенскиот дел на сезоната го заврши доминантно, и со максимален број бодови и постигнати голови, а така ќе се продолжи и со другите категории. Кадетите и младинците се исто така во системот на натпреварување.
Недановски ќе работи заедно со тренерите на сите младински селекции.
