Одлична, фантастична Португалија и денеска во меч од групата -3 во главната рунда. Триумф над Шпанија со 35:29 со кој и дефинитивно се пласира во 1/4 финалето на ова СП. Оваа селекција најверојатно и како прва ќе ја заврши групата ако се знае дека на последниот меч игра против Чиле.
Додека Шпанија како што сега стојат работите тешко дека ќе го види 1/4 финалето, сега Шпанија зависи и од другите резултати во тоа последно коло во оваа група.
Интересно, ова беше прва победа на Португалија против Шпанија по седум порази во серија во меѓусебните дуели на овие две селекции од Иберискиот полуостров.
Од терминот од 15.30 часот денеска се играше и натпреварот меѓу Аргентина и З. Острови во кој славеа “Гаучосите“ со 30:26. Ова беше меч за избегнување на последното место во групата – 4 од главната рунда.
