Кирил Лазаров по завршување на последниот меч од главната рунда против Франција одговори на прашањето дали по доаѓањето на новото раководство планира да остане на чело на најдобриот национален тим.
„Се уште е рано да давам конкретен одговор дали ќе останам селектор или не, ајде нека се оладат главите, сите да размислиме… Едно треба на сите да им биде јасно, јас сум секогаш тука за Македонија, сум бил тука повеќе од две децении и така ќе биде и во иднина. Ајде прво да почекаме да видиме што ќе се случи, кој ќе дојде на чело на федерацијата. Јас сум човек со план и визија, ќе се сретнам со новото раководство и ќе им претставам како јас ја гледам иднината, па ќе ги слушнам и нивните размислувања. Како што реков, јас сум овде за македонскиот ракомет и секогаш ќе сум тука за да помогнам, без разлика дали како селектор или во некоја друга улога. Ќе видиме што ќе се случува во наредниот период, вечерва е прерано да се даде конкретен одговор за иднината“, изјави Лазаров.
