Манчестер Јунајтед тргна во поход на Кристофер Нкунку од екипата на Челзи. Според информациите на „Скај Спортс“, „црвените ѓаволи“ го бараат напаѓачот на лондончани на позајмица.
Челзи и онака одбива секаков вид преговори за негова продажба, па се чини дека една од опциите за Нкунку да се пресели на „Олд Трафорд“ е позајмица на 6 месеци, но втората опција е размена.
Според Флоријан Плетенберг, клубовите ја разгледуваат и можноста за размена на Алехандро Гарначо за Кристофер Нкунку. Засега нема конечна одлука за ова прашање, но веќе е разговарано за идејата за размена.
Оваа сезона Нкунку одигра 18 натпревари во Премиер лигата и постигна 2 гола. Гарначо се помалку ја има довербата кај Аморим и секако би сакал да ја промени средината.
