Реал Мадрид вечерва од 21 часот, во меч од 21.коло во Ла Лига ќе му гостува на Ваљадолид. Секако дека “кралевите“, без разлика во каков состав ќе настапат, се фаворити за освојување на трите бода со кои уште повеќе ќе се зацврстат на лидерската позиција на табелата во Ла Лига.
Вчера на пресот по повод вечерашниот меч, Карло Анчелоти, покрај другото, се осврна и на Федерико Валверде, еден од неговите клучни играчи.
Па така според Дон Карло, Уругваецот е најкомплетниот играч во светот:
„Тој е комплетен и многу важен играч зошто совршено може да покрие повеќе позиции во тимот. Искрено тешко е да се пронајде играч како него, а јас си имам проблеми да му ја пронајдам идеалната позиција. Чудно, но Валверде никогаш не ми кажал на која позиција сака да игра. Тој сигурно е најкомплетниот играч во светот во овој момент, може да игра и стопер ако треба“ посочи стратегот на Реал Мадрид.
