Ете и тоа се случи. Конечно се најде некој да го сопре Никола Јокиќ. Е, сега дали е тоа Минесота неговиот замор, тоа е помалку важно. Поважно е тоа шо најдобриот кошаркар во светот ја прекина серијата од пет мечеви во низа на кои имаше трипл-дабл.
Минесота го победи Денвер со 133-104 и му нанесе вистинска катастрофа. Бројките на Јокиќ на крајот беа 20 поени, 3 скока и 11 асистенции. Бројки кои и не се така лоши за било кого, но не и за фантастичниот Никола Јокиќ.
На другата страна Едвардс со 34 поени беше најефикасен кај Минесота.
На останатите средби кои се играа синоќа и утринава во НБА се постигнаа следните резултати:
Сан Антонио – Индијана 98-136, Далас – Бостон 107-122, Бруклин – Мајами 97-106, Шарлот – Њу Орлеанс 123-92, Орландо – Детроит 121-113, Атланта – Торонто 94-117, Кливленд – Хјустон 131-135, Њујорк – Сакраменто 143-120, Чикаго – Филаделфија 97-107, Мемфис – Јута 125-103, Голден Стејт – ЛА Лејкерс 108-118, Феникс – Вашингтон 119-109, ЛА Клиперс – Милвоки 127-117.
