Во прилично интересен натпревар Манчестер Јунајтед славеше со 1:0 на гостувањето кај Фулам благодарение на голот на Лисандро Мартинез во самата завршница на мечот.
Во првите 45 минути не видовме многу, а статистиката покажува дека имаше само два обиди кон голот и на двете страни. Во вториот дел во 57. минута Бруно Фернандеш имаше добар обид од слободен удар, но топката помина само покрај левата статива. На гол чекавме до 78. минута кога „црвените ѓаволи“ конечно најдоа начин за водство.
Алехандро Гарначо имаше убаво додавање по левата страна, топката стигна до Лисандро Мартинез кој шутираше, но топката го закачи Лукиќ, ја смени траекторијата и заврши во мрежата на Бернд Лено.
Овој гол вреден три бода за „црвените ѓаволи“, конечно, донесе насмевки на лицата на навивачите на Манчестер Ј.
