Македонската ракометна репрезентација на 15-место го завршува Светското првенство. Избраниците на Кирил Лазаров ги надминаа очекувањата на целата македонска јавност, од Вараждин испратија порака дека ракометна Македонија има иднина.
Еден од поискусните ракометари, Жарко Пешевски смета дека ова е еден од најдобрите турнири кои ги одиграле.
„Овој натпревар со Франција беше вистински меч за уживање. Заслуживме да затвориме со претендент за шампион. Се работи за велесила во ракометот, ние оставивме еден добар впечаток. Нека овој натпревар ни биде мотив за во иднина. На овој турнир одигравме повеќе квалитетни натпревари, во последни години ова ни е еден од подобрите турнири кои сме го издржале на физички план. Почнавме најрано, први дојдовме во хотелот. Покажавме дека оваа Македонија има сила за во иднина“, Жарко изјави Пешевски.
Македонија главната рунда ја заврши на четвртото место пред Австрија, а конечниот скор е победа, реми и пораз.
