Локалните медиуми во Валенсија пишуват дека македонскиот репрезентативец Елиф Елмас има отворена врата за трансфер во Валенсија, откако клубот од „Местаља“ ќе остане без Максимилијано Кауфриз. Имено, Белгиецот го информирал шпанскиот клуб дека си заминува од „Местаља“ и има договорено потпис со друг клуб.
„Доколку нешто не тргне наопаку, на негово место сигурно ќе пристигне Елиф Елмас“, пишува „Ел Десмарке“.
Белгискиот среден бек Кауфриз денеска се вратил во својата татковина со дозвола од клубот за да преговара за договор со некој белгиски прволигаш. Неговото официјално збогување, ќе доведе до доаѓање на Елмас во Валенсија, откако шпанскиот тим има се договорено со Лајпциг и се чекаше само да се отвори место за Елмас да дојде во Шпанија.
