Фудбалската репрезентација на Шпанија ќе го има истиот селектор како и досега минимум до 2028 година. Луис Де Ла Фуенте потпиша нова соработка која што го вклучува и Европското првенство во 2028 година, со што би затворила цел еден циклус.
Според информациите, Де ла Фуенте ќе добие околу 2 милиони евра годишно, заедно со можни бонуси. Самиот тренер пред извесно време го изрази своето незадоволство што нема нов подобрен договор, но сега овој проблем е решен и нема да биде на дневен ред.
