По завршувањето на главната фаза на Светското ракометно првенство, веќе и официјално е потврден пласманот на репрезентациите од 9-тото до 24-тото место. Македонија, како што беше јасно и по дуелот со франција, овој ракометен мундијал го завршува на 15-тото место.
Пред Македонија завршија селекциите на Исланд (9.), Норвешка (10.), кои патем беа фаворити и за место во завршницата, Швајцарија (11.), Холандија (12.), Словенија (13.) и Шведска (14.). најпријатното изненадување на ова светско првенство, Италија заврши како 16-та, Австрија е 17-та, додека Шпанија зварши на разочарувачкото 18. место.
Пласманот на 19. место е за Чешка, 20-та е Аргентина, а по неа до 24. место следуваат и Катар, Тунис, Зеленортските Острови и Чиле.
Пласманот од 25. до 32. место ќе заврши со доигрувањето на мечевите од Президент купот. Во битката за медалите меѓу најдобрите осум селекции се најдоа Франција, Египет, Хрватска, Унгарија, Данска, Бразил, Португалија и Германија.
