Македонските селекции и ова лето ќе бидат дел од европската сцена.
Кадетската женска репрезентација на Македонија ги доби противниците за претстојното Европско првенство У17 кое ќе се одржи во Црна Гора.
„Црвено-жолтите“ ќе играат против Словачка, Португалија и Германија во рамките на групата Б.
Првопласираните две селекции од секоја група од прелиминарното коло ќе се квалификуваат во главната рунда, во која се наоѓаат три групи по четири тима. Првопласираните две во секоја група, плус двете најдобри третопласирани екипи, ќе продолжат во четврт-финалето.
Европското првенство ќе се одржи во периодот 30.07 до 10.08.2025 година.
