Легендарниот Кафу, некогашниот фудбалер на Рома и Милан, некогашниот капитен на селекцијата на Бразил со која освои светска титула во 2002 година, има порака до своите сонародници.
Еден од најдобрите десни бекови во историјата на фудбалот смета дека Англија и Премиер-лигата не се адекватно место за бразилските фудбалери:
“Јас стравувам дека во иднина селекцијата на Бразил нема да има којзнае какви успеси. Една од причините е таа дека се поголем број Бразилци сакаат да играат таму. Јас тоа не им го советувам зошто таму им го „перат мозокот“ на нашите играчи. Секојдневно тамошните медиуми известуваат дека Бразилците се најдобрите играчи во светот, а не е така. Тоа што медиумите тамо им го прават на играчите тоа е тажно. Јас искрено повеќе ја преферирам Ла Лига“ изјави Кафу.
