Вкупно 30 млади ракометари од цела Европа кои оставија впечаток на М18 ЕХФ Европското првенство во Црна Гора беа поканети на годишниот камп во Виена. Меѓу нив беа и нашите млади ѕвезди Дамјан Митев, Марин Крстевски и Ѓорѓи Николовски.
На кампот, младите таленти имаа можност да учат и да разговараат за теми надвор од теренот со легендарните ракометни амбасадори на ЕХФ: Ханс Линдберг (Данска), Љубомир Врањеш (Шведска) Вид Кавтичник (Словенија) Карлос Прието (Шпанија)
Темите кои ги обработуваа вклучуваа:
Нутриционизам
Управување со социјални медиуми
Анти-допинг политика
Двојни кариери
Психолошки подготовки
Спортски закони
Секоја тема беше анализирана и одработена со помош на експерти, што го направи овој камп незаменливо искуство за нашите млади ракометари.
„Сакам да стигнам до врвот, дефинитивно. Знам дека тоа е тешка задача, но има време и мислам дека сме на вистинскиот пат. Небото е граница, со советите што ги добивме од амбасадорите, сѐ е возможно. Тие ни ја раскажаа својата приказна и тоа ќе ни биде многу корисно во иднина“, ги сподели впечатоците Марин Крстевски.
ФОТО: ЕХФ
