Реал Мадрид доби понуда од 300 милиони евра од Саудиска Арабија за Родриго, но самиот играч одбил да замине, пренесуваат шпанските медиуми. Ниту клубот не сакаат да го продадат овој фудбалер. Неодамна од истото место за иста сума беше дадена понуда за Винисиус Жуниор. И во овој случај одговорот беше негативен.
И додека пазарот за европските клубови се затвора во понеделник (3 февруари), тој за Саудијците завршува денеска, поради што тие се особено активни во последните неколку часа.
На Родриго му била понудена плата од 140 милиони евра, но беше категоричен дека сака да остане во Реал. Понудата до Вини била 200 мил. евро/сезона.
Понудите не се конкретно од одреден клуб, иако се претпоставува дека веројатниот тим би бил Ал-Хилал, кој е шампион. Министерството за спорт на Саудиска Арабија едноставно сака да привлече повеќе ѕвезди во своето првенство, дури и да им даде можност да изберат свој тим.
