Нема веќе дилеми. Во недела во Осло (18 часот) во големото финале на СП 2025 во ракомет, за златниот медал силите ќе ги одмерат Хрватска и Данска. Вчера Хрватите во еден чудесен меч славеа со Франција, а вечерва во Осло, во второто полуфинале, селекцијата на Данска со 40:27 успеа убедливо да ја победи Португалија.
Едноставно фантастичниот состав на Данска и вечерва покажа сила, покажа кој е кој и навистина тешко ќе им биде на Хрватите да направат уште една сензација.
Сепак во првиот дел Португалците покажаа дека знаат и тоа како да играат добар ракомет. На моменти се заканија и тоа на -1 разлика, но сепак Данска успеа да го добијат овој прв дел со 20:16, но не беше така лесно.
Во второто полувреме Португалците тргнаа да ја намалат разликата,н но веднаш се покажа дека едноставно немаат никакви шанси па затоа во последната фазат како да се предадоа. Од друга страна Данска, без разлика кој беше на теренот, играа за да победат со што поголема разлика.
Па така Данска ќе игра во своето чевтрто по ред финале на СП, додека Португалија ќе игра за 3.место против Франција.
Нилсен заврши со 16 одбрани и затоа беше прогласен за играч на мечот. Гидсел стрелаше девет пати, кај Португалците најефикасен беше Ареиа со 5 голови.
