Вечерва во салата “Јанде Сандански“ во Скопје, во меч од 3.коло во квалификациската група -7 за пласман на ЕП, футсал селекцијата на Македонија беше поразена од Португалија со 1:5. Резултатот можеби е превисок, но треба да се знае дека игравме против европскиот шампион, против една пресилна Португалија.
Македонија мечот го започна одлично, во одбраната бевме и повеќе од одлични, а дојдовме и во водство со 1:0 со голот на Рамадан во 8.46, минута. И неколку минуту го чувавме водството, но сепак гостите знаеја како да дојдат до нашиот гол и да ја затресат во повеќе наврати во продолжение од средбата.
Солидно издание на Македонија, но на крајот со убедлив пораз.
Квалификации за ЕП
МАКЕДОНИЈА – ПОРТУГАЛИЈА 1:5
Сала “Јане Сандански“ во Скопје. Стрелци: Рамадан 8.46 (МАК), Сантош 10.58, Матош 15.01, Невеш 17.23, 28.25, Варела 29.41 (ПОР).
МАКЕДОНИЈА: Спасовски, Левески, Цека, Петровиќ, Рамадан, Фера, Исмаили, Крстески, Б. Јанев, Рамадани, Сефери, Благоевски, Мар.Тодоровски.
ПОРТУГАЛИЈА: Еду, Матош, Б. Коељо, Варела, Брито, Басилио, А. Коељо, Сантош, Жезус, Невеш, Соуза, Луцио, Мигел Ангел, Паулета.
