Втората фаза од домашното одбојкарско првенство во машка конкуренција стартуваше викендов. По комплетирањето на првата фаза од сезоната, првите шест екипи на табелата (Струмица 47&72, Штип УГД, Борец, Шкендија, Универзитет во Тетово и Работнички 71&22) продолжија во т.н. втора фаза 1, додека тимовите од 7. до 13. место на табелата (Вардар, Лирија, Македонија Џио, Скопје, Сушево, Весна Пробиштип и Јанта Волеј) тргнаа со т.н. втората фаза 2.
Викендов еден од кандидатите за титулата, екипата на Шѕип УГД беше сигурна на отворањето на пролетта со убедлива победа од 3:0 над Универзитет во Тетово. Очекувано, Струмица ги однесе бодовите на мечот со Работнички, но гостите покажаа дека имаат одличен состав и добро ги намачија струмичани во првите два сета. Малку недостасуваше овој меч да трае и подолго. Сигурна победа обезбеди Борец на домашен терен против Шкендија.
Во плеј-аутот драмата во пет сета и припадна на Лирија на мечот со Јанта Волеј, додека Сушево и Весна Пробиштип дојдоа до максимални победи на гостински терен.
ПРВА ЛИГА МАЖИ, ВТОРА ФАЗА 1, РАСПОРЕД 1. КОЛО:
Штип УГД – Универзитет во Тетово 3:0 (25:19, 25:13, 25:10)
Струмица 47&72 – Работнички 71&22 3:0 (26:24, 25:23, 25:16)
Борец – Шкендија 3:0 (25:19, 25:13, 25:15)
ТАБЕЛА (ПЛЕЈ-ОФ): 1. Струмица (39), 2. Штип УГД (36), 3. ГОК Борец (32), 4. Шкендија (25), 5. Универзитет во Тетово (24), 6. Работнички 71&22 (23).
ПРВА ЛИГА МАЖИ, ВТОРА ФАЗА 2, РАСПОРЕД 1. КОЛО:
Скопје – Сушево 0:3 (17:25, 23:25, 21:25)
Лирија – Јанта Волеј 3:2 (17:25, 25:20, 25:15, 21:25, 15:9)
Македонија Џио – Весна Пробиштип 0:3 (19:25, 24:26, 24:26)
ТАБЕЛА (ПЛЕЈ-АУТ): 1. Лирија (18), 2. Вардар 1947 (15), 3. Сушево (11), 4. Весна Пробиштип (10), 5. Скопје (9), 5. Македонија Џио (9),7. Јанта Волеј (1).
