Денеска Пелистер се одјави од Охрид и со тоа ја заврши главната фаза од тековните подготовки. Во овој изминат период, тимот предводен од новиот стратег Срѓан Захариевски одигра и неколку пријателски натшревари.
За тоа како ја гледа моменталната ситуација во тимот на помалку од две недели до стартот на пролетниот дел во ПМФЛ, Захариевски за клупскиот сајт истакна:
“Сакаме Пелистер да игра поофанзивен фудбал, да создаваме шанси, а ни останува да видиме како сето тоа ќе го вкомпонираме во една целина.Сакаме да работиме напорно во овој период, на тоа сме целосно посветени и во тој ритам ги работиме на подготовките. Најбитно за нас е она што ќе го подготвиме, да се примени на терен на официјални натпревари, а не на пријателски натпревари. Сите фудбалери имаат иста минутажа, но на крај ќе видиме кој ќе се избори за место во првиот тим“, рече Захариевски.
