Во пресрет на двата меча од ЛШ со Манчестер Сити и дербито со Атлетико Мадрид во Ла Лига, Реал Мадрид утре на гости кај Легањес во 1/4 финалето во “Копа дел Реј“.
На денешниот прес Карло Анчелоти објави уште лоши вести во врска со здравствениот билтен по повредите на Антонио Ридигер и Давид Алаба.
Имено Килијан Мбапе се жали на повреда, имал хематом на потколеницата а нема да игра и Џуд Белингем.
Англичанецот во изминатите два дена воопшто не тренирал, добил одмор во пресрет на дуелите со Манчестер Сити и Атлетико Мадрид.
Тоа значи дека од триото МБВ утре ќе настапи само Винисиус.
