Ако нешто е важно за развој на фудбалот во Македонија, а било и сеуште е „рак рана“ што се вели, се терените односно инфраструктурата.
Терените пак што се дел од комплексот „Петар Милошевски“ при ФФМ секогаш биле во одлична состојба, и за тоа мора да му се оддаде почит на тимот кој што е задолжен за тоа.
Па така, денеска, претседателот на ФФМ, Масар Омерагиќ имаше средба со луѓето задолжени за работа на терените, односно тимот кој што е одговорен за нивно одржување. Секако, Омерагиќ ја поддржа нивната пожртвувана работа, напоменувајќи дека тие се важна карика во ланецот на успехот на ФФМ во периодот кој следува.
