Нејмар по вторпат во својата кариера дебитираше за Сантос, откако по единаесет и пол години се врати во клубот од каде што потекнува. Легендарниот Бразилец го одигра целото второ полувреме на синоќешниот меч со Ботафого, влегувајќи во игра во 46. минута.
Мечот заврши нерешено (1:1), а Сантос поведе од пенал во 38. минута, додека гостите израмнија преку Александре Жесус во 67. минута од натпреварот.
Сантос сега е осми на табелата во Паулиста со 8 бодови, а Ботафого е последен со само четири.
Пред да се врати во Бразил, Нејмар за Сантос одигра 225 натпревари и постигна 136 голови.
