Никола Јокиќ постигна 28 поени, додаде 10 скока и 12 асистенции за својот 24-ти трипл-дабл сезонава, а Денвер Нагетс го совладаа Орландо Меџик со 112:90. Денвер без поголеми проблеми стигна до петтата победа во низа, па српскиот центар, еден од најсилните кандидати за наградата МВП, последната четвртина ја мина на клупата за резерви.
Трикратниот МВП на НБА го заврши натпреварот против Орландо со шут од 11/16 и уште еднаш импресионираше со некои свои потези. Еден од тие потези беше додавањето до Арон Гордон за лесна реализација на почетокот на третата четвртина.
Nikola Jokic last 5 games in 7 days:
29.8 PPG
10.8 RPG
12.4 APG
2.0 SPGNuggets went 5-0.pic.twitter.com/tMkh72RiSw
— Underdog NBA (@Underdog__NBA) February 7, 2025
Најдобар играч за Денвер покрај Јокиќ беше Мајкл Портер Јуниор со 30 поени, пет скока и седум асистенции, Браун додаде 16 поени и осум скока.
На останатите средби, Далас славеше против Бостон со 127-120, Минесота беше подобар од Хјусотн со 127-114, ЛА Лејкерс го доби дербито со Голден Стејт 120-112, Портланд славеше против Сакраменто со 108-102 и Индијана беше подобра од ЛА Клиперс со 112-119.
