Фудбалерите на Волфсбург останаа непоразени на домашен терен во дербито со шампионот Баер (Л) во мечот од 21. коло на германската Бундеслига, играјќи без голови (0:0). На овој меч навивачите видоа еден гол на самиот почеток и тоа за домашните, но истиот по интервенција на ВАР беше поништен поради офсајд. Баер (Л) со ова реми и натаму заостанува во трката за Баерн (М) за шампионската титула.
Нов пораз претрпе екипата на Борусија (Д). На домашен терен „милионерите“ беа поразени од Штутгарт со 1:2. Гостите поведоа со автоголот на Антон во 50. минута, а десетина минути подоцна Шабот успеа да зголеми и на 0:2. Голот за домашните беше дело на Јулијан Бранд во последните десетина минути.
Најубедлив триумф попладнево оствари Унион Берлин кој со 0:4 славеше на гости кај Хофенхајм, додека Фрајбург со голот на Грифо во 30. минута славеше со 1:0 против Хајденхајм.
Без голови (0:0) заврши и мечот меѓу Мајнц и Аугзбург.
