Тренерот на Реал Мадрид, Карло Анчелоти зборуваше по ремито 1-1 во градското дерби против Атлетико Мадрид од 23. коло на шпанската Ла Лига.
„Во второто полувреме целосно ја контролиравме играта, тргнавме. Првото полувреме беше поинаку, многу побавно. Пенал ситуацијата се одрази на тимот. Порано игравме премногу бавно, но во вториот дел игравме пошироко, Винисиус и Родриго создадоа многу опасни моменти“, изјави Анчелоти.
Ремито ја задржа разликата во поредокот меѓу двата тима на само еден бод, со што Атлетико стана вистински конкурент во трката за титулата.
„Тимот беше добар, сите се жртвуваа, играчите се опоравија во многу тежок натпревар. Атлетико се бранеше, беа многу добри во одбраната. „Чуамени одигра одличен натпревар, бевме блиску до победа“, додаде Анчелоти.
Од ремито се чини дека може најмногу да ќари Барселона која доколку победи на гостувањето кај Севиља ќе ја намали разликата до Атлетико на само бод, а до Реал на два.
„Идејата беше да се игра преку крилата во првото полувреме, но понекогаш, поради нискиот блок, Винисиус се префрлаше во центарот за да се обиде да ја помине одбраната. Второто полувреме помина добро, тимот е вознемирен бидејќи смета дека заслужи да победи. Бевме блиску до победа, но мораме да бидеме среќни, се уште сме на врвот на табелата по напорната недела и сега имаме помирен дел од неделата до вторник“, додаде Анчелоти.
