Фудбалерите на Адана Демирспор решија да се повлечат од теренот на натпреварот против Галатасарај попладнево по само 30 одиграни минути. Во 12. минута од натпреварот искусниот играч за врска на Галатасарај, Дрис Мертенс падна во шеснаесетникот, по што судијата на натпреварот Огужан Чакир досуди пенал.
Новиот напаѓач на Галатасарај, Алваро Мората, кој дојде на позајмица од Милан, пеналот го претвори во гол и „жолто-црвените“ поведоа. Во 30. минута од натпреварот играчите на Адана Демирспор Семих Ѓулер и Тајфун Ајдоган ги повикаа своите соиграчи во соблекувалната по разговорот со нивниот технички директор Мустафа Алпер Авџи.
Адана Демирспор се уште не го коментира мотивот за одлуката да се повлече од теренот, но се претпоставува дека причина е досудениот пенал за домашните и судиската арбитража на судијата Чакир.
bu pozisyondan sonra adana demirspor sahadan çekildi Türkiye Sirk Ligi devam ediyor#Galatasaray #Adana
pic.twitter.com/PcK3KHBK49— BJK (@kuarejmaBJK) February 9, 2025
