Капитенот на хрватската ракометна репрезентација Домагој Дувњак се врати во Германија откако со Хрватска го освои сребрениот медал на Светското првенство минатата недела. Неговиот Кил синоќа го одигра првиот натпревар сезонава, совладувајќи го Магдебург со 31:25 во дербито од 18. коло на Бундес лигата.
Иако не можеше да игра поради повреда на потколеницата, Дувњак беше во салата каде му беше приреден спектакуларен пречек. На збогувањето со националниот ракомет му беше врачен специјален подарок во чест на новиот медал што го освои со Хрватска, а навивачите го поздравија со громогласни овации.
Овој момент можете да го видите ТУКА.
Дувњак поради гореспоменатата повреда на потколеницата ќе биде надвор од терените најмалку уште еден месец, бидејќи неговото враќање се очекува на почетокот на март. Тој беше еден од најдобрите играчи на Кил во првите 17 натпревари во Бундеслигата оваа сезона. Тој има постигнато 71 гол и асистенција на уште 60 Кил е моментално второпласираната екипа во Бундеслигата со 28 бодови, четири помалку од лидерот Мелсунген.
