Арсенал оваа зима флертуваше со многу напаѓачи, а на крајот се обиде да ја доведе ѕвездата на Астон Вила, Оли Воткинс. Раководството на „топџиите“ испрати понуда, но истата беше одбиена и тоа беше крај на обидот на Артета да донесе нов напаѓач.
Со оглед на тоа што зимава не доведоа нов напаѓач, јасно е дека ова ќе биде главната цел на Микел Артета и Арсенал следното лето. Англичаните донесоа неверојатни вести за тоа кој ќе го води нападот на „топџиите’ од следната сезона.
Според англиските медиуми, Арсенал е во преговори со Ливерпул околу трансферот на Диого Јота кој се очекува следната сезона да игра на Емирати.
Јота би можел многу добро да ги реши проблемите на „топчиите“ кога е во прашање постигнувањето голови, но и кога е широчината во нападот. Јота се прослави во Вулверхемптон пред да биде купен од Ливерпул за речиси 60 милиони евра.
Португалецот има и одличен удар со глава и покрај тоа што е многу низок фудбалер.
Извесно е дека Јота нема да биде единственото засилување на Арсенал следното лето и дека ќе биде интересен преоден рок за сите фанови на овој тим.
