Она што го најави “СпортСпорт“ уште пред неколку денови, сега е и официјално.
Имено струмичани добија засилување на десната крилна позиција. Станува збор за 24 годишниот Хаџи Драме кој доаѓа од Мали – Африка но последните неколку години својата кариера ја гради во европски фудбалски клубови. Драме беше дел од младинските селекциите на Мали до 19 и 20 години.
Тој во Европа доаѓа во натпреварувачката 2019/2020 во естонскиот Паиде од каде се преселува во грузискиот Дила Гори. Во Брера доаѓа од ерменскиот тим Вест Ерменија каде во есенскиот дел имаше 17 настапи со две асистенции и два гола.
