Младиот дефанзивец на Реал Мадрид, Раул Асенсио е во сериозни проблеми. Имено против него и против уште тројца други фудбалери, инаку сите потекнуваат од академијата на “кралевите“ има обвинение дека снимале и дистрибуирале видео со сексуална содржина со малолетничка од 16 години. Неговите адвокати вложиле жалба и побарале обвинението да биде тргнато, но сепак судот во Лас Палмас ја отфрлило жалбата.
Ова го пренесува „Ел Паис“, а се наведува дека под истрага покрај играчот на Реал се и Феран Руиз (Џирона), Хуан Родригез (Тарагона) и Андреас Гарсија (Алкокорн), инаку сите некогашни членови на академија на “кралевите“.
Инаку ако судот успее да најде вина кај играчите и ги осуди за виновни, тогаш тие се соочуваат со казна затвор од една до пет години.
