Лука Дончиќ дебитираше за Лос Анџелес Лејкерс во победата над Јута Џез со 132:113. Тој постигна 14 поени (4/7 за двоен, 1/7 за тројки), со пет скока и четири асистенции.
Словенецот истакна дека долго време бил нервозен пред мечот.
„Уф, многу луѓе“, рече Дончиќ по пристигнувањето на прес-конференцијата:
„Тоа беше нешто посебно. Кога ги гледав момците на теренот во последните неколку натпревари, само мислев дека сакам да играм со нив“, продолжи словенечкиот интернационалец.
Долго време беше на пауза, последниот меч му беше на 25 декември во поразот на Далас од Минесота со 99:105.
“Бев малку нервозен. Тоа не ми се случило пред натпревар одамна. Не сум играл долго време. Ова е нов тим за мене. Но, беше забавно на теренот”, беше искрен Лука.
Пред натпреварот Леброн Џејмс му порача да остане тоа што е.
„Тоа што Леброн ќе каже нешто ми дава дополнителна самодоверба. Одлично е да се игра со него. Тој ја гледа играта на друго ниво“, рече Дончиќ.
