Џенова – Венеција 2:0 е епилогот од вечерашниот меч од 25.коло во Серија А. Значајна победа и големи три бода за тимот на Џенова, па така сега со 30 бодови се наоѓа на 11.место на табелата, додека Венеција и натаму е во зоната на испаѓање.
Треба да се каже дека домашниот состав и тоа како тешко дојде до победата, ако се знае дека головите паднаа во 82. и во 86.минута преку Пинамонти и Корнет.
Треба да се каже дека Џенова во второто полувреме пред да дојде до првиот гол, имаше три големи шанси, додека Венеција во првиот дел во еден случај опасно се закани.
