Македонската кошаркарска репрезентација денеска стартува со мини-погдотовките за последните два квалификациски дуели за пласман на Европското првенство 2025 година. „Црвено-жолтите“ се уште имаат шанси да се вратат на континенталните натпреварувања, патот е тежок, но не е неостварлив.
За првпат на еден официјален натпревар во составот ќе ги имаме Ненад Димитријевиќ и Ти-Џеј Шортс, „убиствен“ бековски тандем, кој може да не води победнички против Естонија на гостински терен (21 овој месец) и против Полска на домашен терен, три дена подоцна.
За да Македонија се најде на ЕП, покрај победа над Естонија од над 5 поени разлика и триумф над Полска, ќе и треба услуга од Литванија, која во последниот меч треба да ги победи Естонците дома.
Селекторот, Александар Јончевски нема да смета на Адем Мекиќ, кој е повреден. Поради истата причина го нема на располагање ниту Итан Хап. Добро е познато дека Шортс е еден од најдобрите кошаркари во Евролига, тој е вистински лидер на Париз сезонава. Американецот со македонски пасош заедно со Димитријевиќ ќе треба да го дадат посакуваниот прозивод на теренот.
Прозивката е закажана за денеска во 18 часот во СРЦ „Кале“, Шортс и Нено треба да пристигнат вечерва, но прашање дали ќе успеат да тренираат. Нашите кошаркари за Талин ќе заминат во среда.
СПИСОК НА ПОВИКАНИ КОШАРКАРИ
- Војдан Стојановски – МЗТ Скопје Аеродром
- Андреј Магдевски – МЗТ Скопје Аеродром
- Бојан Крстевски – МЗТ Скопје Аеродром
- Андреј Маслинко – МЗТ Скопје Аеродром
- Марин Петков – МЗТ Скопје Аеродром
- Стојан Ѓуроски – Работнички
- Дамјан Робев – Работнички
- Виктор Ефремовски – Работнички
- Андреј Шошкиќ – Работнички
- Теодор Симиќ – Кожув
- Страхил Николов – ТФТ Скопје
- Ненад Димитријевиќ – Олимпиа Милано
- Лејсон Зеќири – Башкими
- Андреј Јакимовски – Колорадо
- Ти Џеј Шортс – Парис Баскетбалл
