Со дерби дуелот меѓу Штип УГД и Работнички 71&22 денеска ќе се комплетира третото коло од главната фаза во плеј-оф делот во домашниот одбојкарски шампионат. Штипјани кои славеа во дербито со Струмица, сега се надеваат дека ќе ја продолжат победничката низа и на мечот со скопјани, кои со резултатите сезонава покажаа дека имаат реални шанси да се борат со најдобрите и за врвот во домашната одбојка.
Викендов големото тетовско дерби меѓу Шкендија и Универзитет во Тетово им припадна на „студентите“ по пет извонредно интересни и неизвесни сетови. Струмица на гостувањето во Велес против Борец, го загуби првиот сет, но потоа возврати со три освоени сетови за конечна победа.
Во плеј-аутот максимални победи за Сушево, Македонија Џио и Скопје.
ПРВА ЛИГА – МАЖИ – ВТОРА ФАЗА 1, 3. КОЛО
ГОК Борец – Струмица 1:3 (25:23, 23:25, 22:25, 18:25)
Шкендија – Универзитет во Тетово 2:3 (25:20, 25:27, 18:25, 25:17, 11:15)
Штип – Работнички 71&22 (денеска 17:30 ч.)
ТАБЕЛА (ПЛЕЈ-ОФ): 1. Струмица (43), 2. Штип УГД (38), 3. ГОК Борец (34), 4. Работнички 71&22 (26), 5. Универзитет во Тетово (27), 6. Шкендија (26).
ПРВА ЛИГА – МАЖИ – ВТОРА ФАЗА 2, 3. КОЛО
Македонија Џио – Вардар 3:0 (25:4, 25:15:25:16)
Јанта Волеј – Скопје 0:3 (21:25 17:25, 25:27)
Сушево – Весна Пробиштип 3:0 (25:16, 25:20, 25:19)
ТАБЕЛА (ПЛЕЈ-АУТ): 1. Лирија (21), 2. Вардар 1947 (15), 3. Сушево (14), 4. Македонија Џио (13), 5. Скопје (12), 6. Весна Пробиштип (10), 7. Јанта Волеј (3).
