Македонската кошаркарска репрезентација ќе има уште еден проблем на патот да се оствари посакуваната победа над Естонија во Талин. Според последните информации кои доаѓаат од таму, „Унибет Арената“ во Талин каде ќе се одигра мечот во петок е комплетно распродадена.
Тоа значи дека во салата ќе има над 7.000 навивачи, кои ќе се обидат со гласна поддршка да им дадат дополнителен елан на своите кошаркари за добар резултат против момците на Јончевски.
Македонија само со победа на овој меч останува во трка за место на Евробаскетот.
