Некогашниот англиски фудбалски репрезентативец, Гери Линекер ги искажа своите размислувања околу најголемите кандидати за освојување на Лигата на шампионите на УЕФА оваа сезона.
„Секако дека Ливерпул е прв фаворит. Веројатно и Реал Мадрид ако помине, но на тој список би бил и Манчестер Сити. Следни се Интер и Атлетико (М). ПСЖ значително се подобри, ако ми кажевте на почетокот на сезоната дека парижани ќе се вмешаат во трка за титулата, сигурно ќе речев тоа нема да биде можно. Но сега е поинаку“, вели Линекер.
Вечерва се играат првите реванш дуели од 1/16-финалето на ЛШ по што ќе имаме уште четири патници во осминафиналната фаза.
