И тоа се случува во фудбалска Европа. Не е само случај Македонија, да еден клуб во највисокиот ранг на натпреварување, финансиски колабира, а со тоа и на секој друг начин.
Прволигашот во Хрватска, Шибеник, за кој што настапува некогашниот македонски репрезентативец Леонард Жута е пред колапс. Синдикатот на професионални фудбалери на Хрватска ова го потврдува наведувајќи дека голем дел од играчите, членови на Шибеник се обратиле до него за помош и решавање на ситуацијата.
Според информациите, Шибеник не само што не исплатува лични примања веќе подолг период, туку играчите се исфрлувани од становите поради неплатени кирии. Во клубот немало и струја, па немало ниту топла вода.
Шибеник инаку е последнопласиран во ХНЛ и е речиси сигурен патник во второлигашката конкуренција. А дали ќе се најде решение наскоро за проблемите кои клубот ги има останува да видиме.
