Младата ѕвезда на Барселона Ламине Јамал зазеде став за зголеменото незадоволство од судењето во Ла Лига. Тензијата околу судиите уште повеќе се зголеми по натпреварот помеѓу Осасуна и Реал Мадрид кој заврши 1:1. Кралскиот клуб се спротивстави на некои од одлуките на Хозе Мунуера Монтеро, кој му покажа црвен картон на Џуд Белингам и досуди пенал за Осасуна за прекршокот над Едуардо Камавинга.
„Мислам дека работата на судиите е многу тешка, бидејќи каква и да донесат одлука, секогаш ќе има некој незадоволен. Тимовите како Барселона, Реал Мадрид и Атлетико Мадрид не треба да се жалат на судиите. Судиите даваат се од себе за да направат што помалку грешки“, изјави Јамал за „El Mundo Deportivo“, и додаде:
„Не, во соблекувалната на Барселона не сме разговарале за писмото на Реал Мадрид против судиите. Фокусирани сме да ги добиваме нашите натпревари и да не обрнуваме внимание на такви работи“, сподели каталонскиот крилен напаѓач.
