И дефинитивно Новак Ѓоковиќ е далеку од потребната форма. Откако беше елиминиран во снингл на турнирот во Доха, попладнево тој заедно со Фернандо Вердаско, го заврши својот настап и во двојки.
Ѓоковиќ и Вердаско беа поразени од Хелиовара и Патен со 2:0 во сетови или 7:5 и 6:4 во гемови.
Со ова Новак си оди дома, а Вердаско оди во пензија, ова за него беше последен натпревар во неговата играчка кариера.
Ова значи дека најдобриот тенисер во историјата ќе мора да почека до својот 100-ти трофеј во кариерата. Да потсетиме дека Новак пред почетокот на овој турнир истакна дека негова цел во Доха ќе биде да дојде до јубилејниот, стотиот трофеј во кариерата.
