Норвежанецот Ерлинг Халанд со години е еден од најопасните играчи во светот. Напаѓачот, чија специјалност е егзекуција и постигнување голови, беше втор во гласањето за Златна топка зад Лео Меси пред две години, а на клупски план веќе освои се што можеше.
Оваа сезона за Манчестер Сити постигна 27 гола на 35 натпревари, а вкупно постигна 117 на 133 натпревари откако дојде во клубот. Сити го награди за ефикасноста и успехот на теренот со договор до 2035 година, според кој Халанд заработува речиси 600.000 евра неделно.
Со други зборови, тој само од платата во клубот заработува речиси 33 милиони евра годишно и нема проблем да одржува луксузен возен парк. На најновите снимки од Манчестер, Норвежанецот е фатен како пристигнува на тренинг со своето ново Порше. Неколку луѓе чекаа автограми покрај патот, но тој не го спушти прозорецот и продолжи по својот пат.
Возел Порше 911 ГТ3, едно од најскапите на пазарот, по цена од околу 200 илјади евра. Халанд има постигнато 280 гола за Молде, РБ Салцбург, Борусија Дортмунд, Манчестер Сити и Норвешка.
