Жозе Мурињо, еден од најдобрите тренери во светот, гостуваше во подкастот на неговиот поранешен фудбалер Џон Оби Микел, кој го праша Португалецот кој е подобар тренер, Фергусон или Гвардиола.
„Ферги или Пеп? Не можете да ги споредувате. Не можете да споредувате две различни генерации или нивниот потенцијал. За Премиер-лигата и двајцата се историски личности. Но, за мене најголемата историска личност во Премиер-лигата е Клаудио Раниери. Човекот беше шампион со Лестер. Тоа беше најголемата работа што можеше да се случи во историјата на Премиер-лигата“, рече Мурињо и продолжи:
„Да се освојат пет или шест трофеи со Манчестер Јунајтед или шест или седум трофеи со генерацијата што ја има Манчестер Сити е одлично, но Раниери и неговата работа со Лестер не се споредливи. Тоа е најголемата победа во лигата во мојот живот“, рече Мурињо.
