Екипата на Бутел Скопје дојде до 10. победа во Супер-лигата, можеби најважната за потврда на местото во плеј-офот. Избраниците на Горан Кузманоски славеа на гостувањето кај Струга со 24-30 во првиот меч од 19. коло.
Домашниот тим добро го отвори дуелот, поведоа со 6-4 и 7-5, но на другата страна гостите со неколку кратки серии успеаја да го превземат водството, пред одморот позитивата изесуваше 10-13.
Во второто полувреме Бутел не дозволи изненадување и го контролираше резултатот, најголемата позитива изнесуваше шест гола разлика.
Димитар Узунчев со осум гола беше прв стрелец од таборот на Бутел Скопје, на другата страна Стојков имаше пет погодоци.
