Менаџерот на Арсенал, Микел Артета, беше крајно лут по поразот на домашен терен од Вест Хем со 0:1 во 26. коло од Премиер-лигата и изјави дека битката за титулата веќе не зависи од нив, ги обвини неговите играчи дека не успеале да го задржат нивото. Арсенал останува на второто место во привремениот поредок, со 8 бода помалку од лидерот Ливерпул.
„Веќе не е во наши раце. Во моментов сум навистина, навистина лут поради тоа што зависи од нас, а тоа се нашите перформанси и резултати, а ние не го направивме она што можевме. Многу сум разочаран. Иако имавме 20 удари, никогаш не почувствував дека сме на нивото на кое треба да бидеме“, изјави Артета.
Тренерот на Арсенал нагласи дека секој треба да се погледне во огледало…
„Зборувам за нивото на играчите и тимот со кој игравме, вклучително и мене. Не беше ни блиску до нивоата што треба да ги достигнеме за да имаме шанса да ја освоиме Премиер-лигата. Треба да се погледнеме во огледало и да видиме што можеме подобро, како во однос на волјата, желбата и начинот на кој пристапуваме кон натпреварите“, додаде Артета.
