По пласманот во четвртфиналето во ЕХФ Европскиот Куп, Алклоид нема многу време за славење бидејќи веќе утре го чека тешка задача, му гостува на Пелистер во дербито на 19. коло во Супер-лигата.
Единствениот ден за одмор, тренерот Кирил Лазаров и неговите момци ќе го искористат за подготовка на дуелот против битолчани.
„Правилата се такви какви што се, нема да се жалиме и да плачеме. Немаме време за одмор, мораме во еден ден да го спремиме мечот со Пелистер. Јасно е дека не очекува ривал кој е во Лигата на шампионите и освои осум бода, тоа воопшто не е лесно. Ќе гостуваме во Битола каде има пеколна атмосфера која ја прават битолчани и „Чкембарите“. Ривалот има осум странци и тоа не било какви, туку репрезентативци, што јасно говори за квалитетот кој го поседува противникот“, изјави Кирил Лазаров.
На стартот на сезоната, Алкалоид прво на сметка на Пелистер го освои Супер-Купот, а потоа го победи на домашен терен со 32-35 во меч од Супер-лигата. Актуелниот својувач на Купот на Македонија е лидер на табелата со 34 бода, два повеќе од актуелниот првак.
