Со оглед на фактот дека Ханси Флик се покажа како полн погодок на тренерското место во Барселона, клубот на големо се подготвува за долгогодишна соработка со него. Претсадетелот Жоан Лапорта и целиот менаџмент на клубот се презадоволни од германецот па тој наскоро на маса ќе добие понуда која е со трајност до 2028 година.
Поточно, актуелниот договор на Флик е со важност до 2026 но клубот не сака ништо да остави на случајност.
Уште еден момент е многу важен. Наскоро доаѓаат претседателски избори во клубот, поточно истите се закажани за 2026 година, а во нив Лапорта не сака да влезе со нерешено тренерско прашање.
Токму затоа наскоро се очекува и официјализација на преговорите, а потоа нормално и потпис на новиот договор.
