Селекторот на машката сениорска ракометна репрезентација на Македонија, Кирил Лазаров, денеска го објави списокот на повикани ракометари за претстојните квалификациски натпревари за пласман на ЕП 2026.
Во рамки на ЕХФ Неделата нашата сениорска селекција ќе оддигра двомеч против селекцијата на Словенија. Нашата сениорска репрзентација првиот натпревар ќе го одигра во СЦ Борис Трајковски на 12 март во 20 часот, а потоа на 16 март ќе и гостува во Словенија, а натпреварот ќе се одигра во Копер со почеток во 18:30 часот.
Собирот на ракометарите е закажан за 9 март, а на списокот на Лазаров се најдоа 20 ракометари и 8 резерви.
