Претседателот на Фудбалската федерација на Македонија, Масар Омерагиќ, во интервју во интервју за МТВ, кажа нешто што секако дека треба да ги загрижи одредени личности во фудбалска Македонија.
Имено тој напомена за еден допис од УЕФА кој е пристигнат во ФФМ.
“Имаме добиено допис од одделот за интегритет на УЕФА во кој се посочени одредени личности, со име и презиме, за кои што постои сомнение, што не значи дека е тоа така, но се посочени дека на одредени натпревари имаат преземено дејствија кои се сомнителни. Во соработка со УЕФА тоа ќе го спроведеме до крај. Доколку тие се чувствуваат загрозено поради тоа и мислат дека со напади и разни инсинуации врз нас ќе не предомислат на тој пат, тогаш нивното размислување е тотално погрешно. Натпревари, клубови и имиња. Кога ќе дојде време, ќе ги објавиме”
