Андреас Трајковски дојде до историски подвиг со пласманот во финалето на Европското првенство во сала. Со својот фантастичен скок од 7.85 метри кој е воедно и нов македонски рекорд во сала, Андреас го обезбеди 7-то место во квалификациите и успеа да испише историја како првиот Македонец кој се пласирал во финале на Европските првенства во атлетика.
Финалето е закажано за вечерва (20:30 часот) во Апелдорн, Холандија.
Борбата за медал е момент што ќе остане врежан во македонската спортска историја, бидејќи до сега никогаш нашата земја не се пласирала на едно финале на едно ЕП во атлетика.
